A Primeira FEB regresa este sábado ás 19:00 horas ao Paco Paz cun encontro de máxima importancia. O Cloud.gal Ourense Baloncesto recibe ao Fibwi Palma nun partido directo na loita polos nosos obxectivos.

Ambos conxuntos comparten zona na clasificación, nun tramo da tempada no que cada vitoria pesa. Non é un encontro máis. É un deses partidos que poden marcar dinámicas, reforzar camiños e consolidar aspiracións.

O equipo quere seguir medrando, dar un paso adiante e converter o traballo da semana nunha actuación sólida diante da súa xente. Para iso será fundamental manter a identidade, a intensidade e a concentración durante os corenta minutos.

E aí entra o Pazo.

Esta tempada o Paco Paz está a ser un auténtico fortín: sete vitorias e só dúas derrotas como locais. Un dato que non é casualidade. É carácter. É compromiso. É a forza dunha bancada que empurra.

O sábado precisamos de todo iso.
Un Pazo cheo. Un Pazo unido. Un Pazo que marque o ritmo dende o salto inicial.

Porque os partidos directos tamén se xogan na bancada.

Podes ver a rolda de prensa de Moncho López a continuación:

VOLVEREMOS, E TI XA ESTABAS