O Cloud.gal Ourense Baloncesto presentou oficialmente a Adin Vrabac como novo xogador da entidade nun acto celebrado nas instalacións de Galiocio, un dos espazos de lecer e aventura de referencia na cidade.
Nun escenario diferente e dinámico, acorde coa enerxía que representa a nova incorporación, Vrabac compareceu ante os medios acompañado por membros da directiva e patrocinadores do club. O xogador mostrouse ilusionado nesta nova etapa:
“Estou moi agradecido pola confianza do club. Veño a Ourense para competir, para dar o máximo cada día e para axudar ao equipo a cumprir os seus obxectivos. Teño ganas de sentir o apoio da afección no Paco Paz”.
Durante o acto destacouse a súa experiencia internacional, a súa capacidade física e a súa versatilidade nas posicións exteriores, cualidades que reforzan o proxecto deportivo para a tempada 2025–2026.
Coa súa incorporación, o club suma talento, intensidade e carácter a un vestiario que continúa tomando forma. A conta atrás xa está en marcha.
Benvido á túa nova casa, Adin.
Podes ver a rolda de prensa completa a continuación:
