O Cloud.gal Ourense Baloncesto volve medirse ao Flexicar Fuenlabrada no Fernando Martín, ás 20:30 horas, no encontro correspondente á xornada aprazada da Primera FEB.

Apenas catro días despois do último enfrontamento, no que os ourensáns non puideron sumar, o equipo afronta unha nova oportunidade para competir, axustar detalles e ofrecer unha mellor versión nunha pista de máxima esixencia.

O Fernando Martín esixe intensidade, concentración e carácter durante os corenta minutos. O COB sabe que cada posesión contará e que será fundamental manter solidez, ritmo e personalidade para optar á vitoria.

O grupo viaxa coa ambición de dar un paso adiante e demostrar identidade competitiva nun duelo que volverá poñer a proba a capacidade de resposta do equipo.

Un novo reto fóra da casa. Outra oportunidade para reafirmarnos.

Podes ver a rolda de prensa de Moncho López a continuación:

VOLVEREMOS, E TI XA ESTABAS