Comeza o concurso de debuxo “COB – Indicación Xeográfica Protexida Pan Galego”

Dende hoxe e ata o día 24 deste mes, organizaremos o concurso “COB – Indicación Xeográfica Protexida Pan Galego” en asociación coa Axencia Galega de Calidade Alimentaria da Consellería do Medio Rural da Xunta de Galicia.

O concurso constará de tres categorías:

• Nenos e nenas ata 6 anos
• Nenos e nenas de 7 a 10 anos
• Nenos e nenas de 11 a 15 anos

Cada categoría, constará de tres premios, cortesía de Grupo Hereda e do noso club, constando de tazas, máscaras, camisetas e alguna que outra sorpresa máis.

As bases para participar son as seguintes:

• Facernos chegar os vosos debuxos físicamente ás nosas oficinas ou ao mail info@clubourensebaloncesto.com indicando no propio deseño ou correo, o nome, a idade e un teléfono de contacto do participante.
• Nos debuxos, debénse unir a práctica deportiva e, como non, o “Pan Galego”.
• Como se indica, facernos chegar os vosos traballos ata o día 24 de marzo.

Dende o club porémonos en contacto cos gañadores para que, no encontro ante Ponferrada do día 26, poidamos darlle os premios no día que, no Pazo, será a festa do “Pan Galego” promocionando o noso equipo ese produto tan especial do que todos os galegos estamos orgullosos.