O COB afronta a Copa España con ilusión e vai a por todas. Faite coa túa entrada
O vindeiro martes 21 de outubro ás 20:45 horas, o Club Ourense Baloncesto disputará no Paco Paz o seu encontro de Copa España fronte ao Grupo Caesa Seguros Cartagena.
Un novo desafío no que o equipo quere contar, unha vez máis, co apoio da súa afección. Porque cada paso no camiño faise máis forte cando o Paco Paz latexa xunto aos nosos.
Retirada de entradas
As entradas xa están dispoñibles nas oficinas do Paco Paz.
- As persoas que teñan ou merquen a bufanda oficial desta tempada (calquera dos dous modelos) deberán recoller alí a súa entrada gratuíta.
- Do mesmo xeito, os menores de 16 anos tamén deberán retirar a súa entrada nas oficinas.
Os prezos para o resto de afeccionados son:
- Maiores de 25 anos: 8 €
- De 15 a 25 anos: 5 €
Desde o club queremos agradecer o apoio dos nosos socios e de toda a xente que nos acompañe neste partido. O equipo está traballando con máxima entrega e ilusión para competir ao máis alto nivel e tentar acadar o triunfo nesta competición.
Porque xuntos somos máis fortes.
VOLVEREMOS, E TI XA ESTABAS
