O Cloud.gal Ourense Baloncesto visita ao Super Agropal Palencia
O Cloud.gal Ourense Baloncesto afronta mañá venres un novo compromiso de liga coa visita á pista do Super Agropal Palencia, nun encontro que se disputará ás 21:00 horas e que supón unha esixente proba a domicilio.
O equipo desprazarase ata Palencia coa intención de competir con personalidade nun dos pavillóns máis complicados da categoría. O encontro esixirá un alto nivel de concentración e intensidade durante os corenta minutos, nun contexto no que cada posesión terá un peso determinante.
En fronte estará un Super Agropal Palencia sólido no seu feudo, cun ritmo alto de xogo e capacidade para marcar diferenzas a partir do traballo colectivo. Un rival que obrigará ao Cloud.gal Ourense Baloncesto a ofrecer a súa mellor versión tanto no plano defensivo como no control do xogo.
O COB buscará dar continuidade ao seu traballo diario, manter a identidade competitiva e responder con carácter nun escenario esixente, nunha nova oportunidade para seguir medrando como equipo lonxe do Paco Paz.
Podes ver a rolda de prensa de Moncho a continuación:
VOLVEREMOS, E TI XA ESTABAS
