Acordo entre Romaro Gill e o Clube Ourense Baloncesto
O Club Ourense Baloncesto e o xogador Romaro Gill chegaron a un acordo para a súa continuidade no equipo cobista para as dúas próximas tempadas deportivas.
Deste xeito, o xogador xamaicano, defenderá a camiseta do COB ata a tempada 2025-2026 e súmase ás anunciadas renovacións de Samu Rodríguez e Javi López, ademais da fichaxe de Isaac Vázquez para as próximas 4 tempadas.
O principio de acordo, alcanzado hai varias semanas entre ambas as partes, está á espera de que xogador xamaicano, residente en Nova Zelanda, tramite a documentación burocrática coa administración neozelandesa.
Tanto o xogador como a súa entorna, axentes e familiares, están a traballar conxuntamente con especialistas xurídicos para resolver e adiantar os trámites necesarios para a dilixencia definitiva da devandita documentación.
O Clube Ourense Baloncesto traballa xa, xunto co xogador e os seus avogados, para coordinar as actuacións necesarias que permitan a Romaro Gill satisfacer as necesidades burocráticas requiridas no país de residencia da súa familia.
