Palencia acollerá a Final Four da Copa España

Hoxe deuse a coñecer a sede da Final Four da Copa de España, na que o Cloud.gal Ourense Baloncesto participará tras acadar a clasificación para a fase final da competición. Palencia será a cidade que acolla o evento da Primeira FEB os días 24 e 25 de xaneiro, no Pabellón Municipal de Palencia.

Deste xeito, o Cloud.gal Ourense Baloncesto desprazarase ata a capital palentina para disputar o primeiro torneo do ano.

Semifinais

Os cruces das semifinais, que se disputarán o sábado 24 de xaneiro, serán os seguintes:

(Horarios por determinar)

• Súper Agropal Palencia – Flexicar Fuenlabrada 
• Cloud.gal Ourense Baloncesto – Movistar Estudiantes 

Final

A final disputarase o domingo 25 de xaneiro ás 18:00 horas.

Abonos

O Cloud.gal Ourense Baloncesto contará con abonos a disposición dos seus abonados. A información comunicarase nos vindeiros días.

VOLVEREMOS, E TI XA ESTABAS