Unai Mendikote escollido MVP Estrella Galicia do mes de decembro

A afección cobista escolleu a Unai Medikote como o MVP de Estrella Galicia do mes de decembro tralo espectacular mes do aleiro vasco.

Unai conseguiu tres MVP do partido no mes pasado (Estudiantes, Palencia e Betis) confirmando o excepcional estado de forma que atravesa e que lle vale o galardón de MVP Estrella Galicia do mes.

Medikote media esta tempada 7,7 puntos, 5 rebotes, 1 asistencia e 1,3 balóns recuperados por partido, en 22 minutos.

O xogador quixo agradecer o apoio de toda a afección cobista no momento de recoller o MVP Estrella Galicia: “Quero dar as grazas a tódolos seareiros polo seu apoio constante durante esta campaña, así como polo agarimo que me demostran tódalas xornadas. Este recoñecemento dáme, aínda máis, ganas de seguir pelexando para acadar os obxectivos desta tempada”.

Parabéns Unai por este MVP Estrella Galicia do mes de decembro. O primeiro de moitos!