O Club Ourense Baloncesto renova a súa alianza con Podoactiva
O Club Ourense Baloncesto anuncia con orgullo a renovación do seu acordo de colaboración con Podoactiva, empresa líder en podoloxía e biomecánica aplicada ao deporte.
Con esta renovación, o COB reforza unha alianza estratéxica que garante aos xogadores do Club Ourense Baloncesto un servizo especializado e de máxima calidade no coidado da súa saúde e rendemento deportivo. Ao longo destes anos, Podoactiva consolidouse como un socio esencial grazas á súa tecnoloxía innovadora, estudos biomecánicos personalizados e plantillas feitas á medida, que permiten mellorar a prevención de lesións e optimizar o rendemento en pista.
“O noso obxectivo é que os xogadores conten sempre coas mellores condicións posibles para competir ao máximo nivel. É un orgullo contar cun aliado de prestixio como Podoactiva, que comparte connosco a visión de que a saúde é a base do éxito deportivo”, declarou Diego Regueira, presidente do Club Ourense Baloncesto.
Ademais, este acordo tamén terá beneficios para a nosa afección: os socios do COB poderán desfrutar de descontos exclusivos en Podoactiva.
Todos aqueles interesados poden acudir á Unidade Podoactiva Clínica Teknos, situada na rúa Arturo Pérez Serantes, 1-3 baixo, Ourense, para coidar a súa saúde da man de especialistas.
Esta renovación reafirma o compromiso do COB co benestar dos seus xogadores e consolida unha alianza que seguirá ofrecendo grandes resultados no futuro.
VOLVEREMOS, E TI XA ESTABAS
